लुमिनार टेक्नोलोजीजका अर्बपति सीईओ अस्टिन रसेलले फोर्ब्स पत्रिका प्रकाशित गर्ने कम्पनी ‘फोर्ब्स ग्लोबल मिडिया होल्डिङ्स’ मा ८२ प्रतिशत शेयर खरिद गर्ने भएका छन् ।
२८ वर्षका रसेलले ८०० मिलियन डलरमा सम्झौता गर्दै सो शेयर किन्ने घोषणा गरेको हो ।
यसका साथै, कम्पनीको बाँकी १८ प्रतिशत शेयर फोर्ब्स परिवारको स्वामित्वमा रहने भएको छ भने फोर्ब्स मिडियाका अध्यक्ष र सम्पादक स्टीव फोर्ब्स कम्पनीसँग संलग्न रहनेछन् ।
विज्ञप्ति अनुसार रसेलको कम्पनी फोर्ब्स ब्रान्डको दैनिक कार्यमा संलग्न भने हुने छैन । उनले फोर्ब्स अमेरिकी मिडिया, प्रविधि र एआई विशेषज्ञहरूसँग नयाँ बोर्ड नियुक्त गर्ने योजना समेत बनाएका छन् ।
