काठमाडौं, सेयर बजारका लगानीकर्ताको चार सँघले लगानीकर्ता महासँघको बनाउने योजना घोषणा गरेका छन्। गत शुक्रबार ४ सँघले बैठक गरेर नेपाल धितोपत्र लगानीकर्ता महासंघ घोषणा गरेका हुन्।सेयर लगानीकर्ताहरुको साझा माग र हकहितको प्रतिनिधित्व गर्दै साझा र एकीकृत शक्ति निर्माण गर्न भन्दै महासँघको घोषणा गरेका हुन्।

नेपाल सेयरधनी संघ, नेपाल धितोपत्र लगानीकर्ता संघ, स्वतन्त्र पूँजी बजार सुधार संघ र नेपाल जनरल ईन्भेटरर्स एशोसियसन नेपाल धितोपत्र लगानीकर्ता महासंघ घोषणा गरेका हुन्। यसबाहेकका अन्य लगानीकर्ताका संस्था भने महासँघमा सामेल भएका छैनन्।

पूँजी बजार र लगानीकर्तासँग सम्वन्धित भई वैधानिक रुपमा दर्ता भएका संस्थाहरुलाई पनि महासँघमा समेटिनेबताइएको छ। अब पूँजी बजारका सबै समस्याको समाधान र सम्बन्धी कुराहरु महासंघ मार्फत मागहरु एकीकृत रुपमा अगाडी बढाउने बताएको छ।