काठमाडौं । यो साता सेयर बजार ४.२९ प्रतिशत घटेको छ । गत साता २७४५ मा बन्द भएको बजार यो साता ११८ अंक घटेर २६२७ मा बन्द भयो । गत साता सेयर बजार २.८८ प्रतिशत अर्थात् ७७ अंकले बढेको थियो ।
यो साता पाँचै दिन कारोबार भएको छ । आइतबार ४७.४४ र सोमबार ५७.९९ अंक घटेको बजार मंगलबार २५.८८ अंक बढ्यो । बुधबार २०.४१ र बिहीबार १८.२५ अंक घटेसँगै २६२७ मा बन्द भयो ।
यो साता मूल्य उच्च दरमा बढेका कम्पनीमा अधिकांश फाइनान्स र हाइड्रोपावर समूहका रहे । त्यस्तै मूल्य उच्च दरमा घट्नेमा अधिकांश बैंकिङ सेक्टरका कम्पनी रहे ।
