काठमाडौँ । पछिल्लो दुई नेपाल एमाले अध्यक्ष केपी शर्मा ओली र काठमाडौं महानरपालिकाका प्रमुख बालेन शाहबीच निकै जुहारी चलेको छ । अध्यक्ष ओलीले केहिदिनअघि मात्रै बालेनको आलोचना गरेको थिए । उनले सडक विभाग र मन्त्रालयअघि धुलो फालेको विषयमा आफ्नो टिप्पनी राख्दै छिमेकीको घरअघि धुलो फ्याक्ने कस्तो संस्कार हो भन्दै बालेनको आलोचना गरेका थिए । काठमाडौं महानगरपालिकाले गत शनिवार सडक विभाग र मन्त्रालयको गेटअघि धुलो उपहारकारुपमा फालेको थियो ।

सोहि विषय सामाजिक सञ्चालनमा कतिले समर्थन गरेका थिए भने कतिले आलोचना । आज बिहान प्रमुख बालेनले फेरी केपी शर्मा ओलीको आलोचना गर्दै दश हजार करोडको काण्ड लुकाउन अर्को काण्ड गरेर जनता नझुक्क्याउन आग्रह गर्दै सामाजिक सञ्जालमा गिरीबन्धु टी स्टेटको विषय उठाएका छन् ।

उनले ओलीलाई दश हजार करोडको काण्ड लुकाउन अर्को काण्ड गरेर जनता नझुक्क्याउन आग्रह गरेका छन् । मेयर शाहले झापाको गिरीबन्धु टी स्टेटको जग्गामा बैना लिनेहरूलाई दुई वर्षधित्र गिरीबन्धुकै जग्गा दिलाउने भनेर थुमथुम्याएको समेत दाबी गरेका छन् ।

सोमबार बिहान साहले सामाजिक सञ्जाल फेसबुकमार्फत त्यही १० हजार करोडको काण्ड लुकाउन र जनतालाई भुलाउन राज्यको सम्पूर्ण शक्ति लगाएर न्युरोडमा काठमाडौँ महानगरले बनाउन लागेको फुटपाथ फेरि सडक बनाउनु थालेको भन्दै कटाक्ष गरेका छन् । बालेनले समाजिक सञ्जालमा लेखेका छन्, १० हजार करोड को काण्ड लुकाउन अर्को काण्ड गरेर जनता नझुक्काउनु होला माननीय केपी ओलीज्यू ।

झापा गिरिबन्धुमा बैना लिनेहरूलाई दुई वर्षभित्र गिरीबन्धुकै जग्गा दिलाउँछौँ भनेर थम्थमाउनु भएछ । गिरीबन्धु चिया बगानको जग्गामा गर्न खोजेको नीतिगत घोटालामा तपाईंको सहभागिताको इतिहास हेर्दा त्यहाँ तपाईंलाई नभनी पात पनि हल्लन्छ भन्ने लाग्दैन । यही १० हजार करोडको काण्ड लुकाउन र जनतालाई भुलाउन राज्यको सम्पूर्ण शक्ति लगाएर न्युरोडमा हामीले बनाउन लागेको फुटपाथ फेरि सडक बनाउनु थाल्नु भएछ ।

अब बल्ल देश बन्ने भएछ । आफ्ना कर्तुत लुकाउन र विषयान्तर गरे पनि काम हुनु राम्रो हो । तपाईंको शक्तिले अब रिङरोड बनाउनु, बुटवल चितवन बाटो बनाउनु, यस्ता धेरै आयोजनामा लगाउनुहोला । हामी साथमा छौँ । अनि समयमै गिरिबन्धुमा पीडितको बैना फिर्ता गर्नु होला । नत्र कोही साँच्चैको नयाँ आउला र फाइल पल्टाउला । हुन त, पहिले पनि जेल बस्नु भएको हो । धन्यवाद ।’