काठमाडौं । हेटौँडा उपमहानगरपालिका वडा नं. १२ को वडाध्यक्ष पदको लागि भएको निर्वानचमा नेपाली कांग्रेसका उम्मेदवार अर्जुनप्रसाद तिवारी निर्वाचित भएका छन् । आइतबार भएको निर्वाचनको सोमबार सम्पन्न मतगणनाको अन्तिम मत परिणाम अनुसार तिवारीले दुई हजार ६३ मतसहित निर्वाचित भएका हुन । उनका निकटतम् प्रतिस्पर्धी नेकपा माओवादी केन्द्रका रविकुमार प्रधानले एक हजार ५६० र नेकपा एमालेका राजेश नगरकोटीले एक हजार ३९८ मत प्राप्त गर्नुभएको प्रदेश निर्वाचन कार्यालय, हेटौँडाका प्रदेश निर्वाचन अधिकारी हरिप्रसाद ढकालले जानकारी दिए ।