काठमाडौं,३० असार । कुवेत रोजगारीका लागि जान लागेका ३७ जना नेपाली कामदारलाई त्रिभुवन अन्तर्राष्ट्रिय विमानस्थल अध्यागमन कार्यालयले फर्काएको छ । गएराति पौने ११ बजे उनिहरु पुनः जादै थिए । २७ गते अध्यागमनले फर्काएका कुवेत उड्न ठिक्क परेका ११७ कामदारमध्ये ३७ जनालाई हिजो फेरि अध्यागमनले फर्काएको हो । फकाईएका ३७ जना कामदारहरुलाई कम्पनीहरुले फेरि टिकट काटेर पठाउन लागेको थियो ।
तर अध्यागमन उनीहरूले पेश गरेको कागजात शंकास्पद लागेर फर्काइएको बताएका छन् । निरकमल एचआर मेनपावर कम्पनीमार्फत जजिरा एयरलाइन्सबाट जान लागेका ११ जना र सलाम एयरबाट ४ जना जान लागेका थिए । युथ मेनपावरमार्फत जजिराबाट १३ जना र सलाम एयरबाट ९ जना कतार जान लागेका थिए । २८ गते अध्यागमन एयरपोर्टबाट फर्काएको कामदारलाई पुनः टिकट काटेर पठाएकोमा रातिको सलाम र जजिरा एअरबाट कुबेत लागि गएका कामदार लाइ एउटा पत्र थमाएर यात्रा अनुमति नदिइ फर्काइएको नेपाल वैदेशिक रोजगार व्यवसायी संघले जनाएको छ । आज बेलुका पनि बुधबार रोकिएकामध्ये १४ जना कुबेत जाने तयारीमा छन् ।
