काठमाडौं, भदौ १८। नेपाल आर्थिक पत्रकार संघ नाफिजले १४औँ वार्षिकोत्सवमा उत्कृष्ट खोज आर्थिक समाचारलाई १ लाख रुपैयाँ सहित पुरस्कृत गर्ने निर्णय भएको छ। यसका लागि नाफिजमा आबद्ध आर्थिक पत्रकारलाई २३ भदौसम्म खोज समाचार पेस गर्न आह्वान गरिएको छ।
संघको आइताबार सम्पन्न कार्य समिति बैठकले १ लााख राशिको शारदा–ढुण्डीराज नाफिज आर्थिक पत्रकारिता पुरस्कार एक जना क्रियाशील आर्थिक पत्रकारलाई वितरण गर्ने निर्णय गरेको हो ।
त्यस्तै ५०,५० हजार रुपैयाँ राशिको सिबिफिन–नाफिज बैंकिङ पत्रकारिता पुरस्कार समेत दुईजना आर्थिक पत्रकारलाई प्रदान गर्ने र २३ भदौभित्रै खोजमूलक समाचार पठाउन आह्वान गरिएको संघले बताएको छ । १ साउन २०७९ देखि ३१ असार २०८० सम्म प्रकाशित भएका समाचारलाई पुरस्कारका लागि मान्यता दिइने संघले बताएको छ ।
