काठमाडौं, सोफासेट उत्पादक कम्पनी सोफा हबले दसैँ, तिहार तथा छठ पर्वको अवसर विशेष उपहार दिने भएको छ । सोफा लिने भनेकै सोफा हबको मात्र भन्ने मूल नाराका साथ कम्पनीले उपहार योजना ल्याएको हो । गुणस्तरीयलाई जोड दिँदै सहुलियत मूल्यमा उपलब्ध गराइएको सोफा किन्ने ग्राहकलाई लक्षित गरेर योजना सार्वजनिक गरिएको सोफा हबका म्यानेजिङ डाइरेक्टर तारालाल हरि धरेलले बताए ।
काठमाडौं र चितवनमा उद्योग सञ्चालन गरिरहेको कम्पनीले उपहारअन्तर्गत इभी स्कुटर, इलेक्टिक जग, आइरन, बेडकभर, डोरम्याटलगायतका विभिन्न उपहार राखेको धरेलले बताए । उनका अनुसार सोफा हबमा सोफा किन्न आउने हरेक ग्राहकलाई प्रदान गरिएको कुपन स्क्र्याच गर्दा विजेता ग्राहकलाई उपहार योजना प्रदान गरिने कम्पनीले बताएको छ । सोफा हबको काठमाडौंको सामाखुसी रेडनस्थित कोइराला मार्ट, गोठाटार हाइट र चितवनको लंकुमा आउटलेट रहेको बताएको छ ।
कम्पनीले दक्ष कामदार र गुणस्तरीय सामान प्रयोग गरी ग्राहकको मागलाई मध्यनजर गर्दै आफ्ना उत्पादनमा पाँच देखि १० वर्षसम्मको वारेन्टीसमेत दिनुका साथै ग्राहकको घरसम्म निःशुल्क डेलिभरीसमेत प्रदान गर्दै आएको कम्पनीले दाबी गरेको छ । कम्पनीले हाल एक सय ५० भन्दा बढीलाई प्रत्यक्ष अप्रत्यक्ष रूपमा रोजगारी दिएको बताएको छ ।
