काठमाडौं । भूमि व्यवस्था, सहकारी तथा गरिवी निवारणमन्त्री बलराम अधिकारीले सहकारी संस्था चाहिदैन भन्नेलाई सहकारी संस्था चलाएर देखाउन आग्रह गरेका छन् । सहकारी क्षेत्रका विषयमा फिँजाइएको हल्ला मिथ्यामात्र रहेको भन्दै काठमाडौंमा आयोजित नेपाल कृषि सहकारी केन्द्रीय संघ लिमिटेडको १७ औँ वार्षिक साधारण सभामा सहकारी चाहिँदैन भन्नेहरूलाई चुनौती दिन आग्रह गरे ।
सहकारी संस्था जनताको रहेको भन्दै जनतालेनै चलाउनु पर्ने बताए । उनले सरकारले विभिन्न संघ संस्थाहरू र सहकारीलाई अपेक्षा गरे अनुसारको सहयोग गर्न नसकेको बताए । सबैले सरकारको मुख ताक्ने मात्र नभई आ—आफ्नो ठाउँबाट पनि पहल गर्नुपर्ने उनले बताए ।
