काठमाडौं, २२ जेठ । काठमाडौं उपत्यकासहित मूलुकका अधिकांश स्थानको मौषम सफा भएपनि तापक्रम भने घट्ने सम्भावना नभएको जल तथा मौषम विज्ञान विभागले जनाएको छ । केहि दिन तापक्रम यथावत रहने विभागको भनाई छ । आज सुदूरपश्चिम प्रदेश र लुम्बिनी प्रदेश लगायत देशका पहाडी भू–भागमा आंशिक देखि सामान्य बदली रही बा“की भू–भागमा मौसम सामान्यतया सफा रहनेछ । कोशी, गण्डकी र कर्णाली प्रदेशका पहाडी भू–भागका थोरै स्थानहरूमा तथा देशका बा“की पहाडी भू–भागका एक–दुई स्थानमा मेघ–गर्जन÷चट्याङ्ग सहित क्षणिक वा हल्का वर्षाको सम्भावना रहेको छ । आज काठमाडौं उपत्यकाको अधिकतम तापक्रम आज ३२ डिग्री सेल्सियस पुग्ने सम्भावना रहेको विभागले बताएको  छ । तराईमा गर्मी बढ्ने भएकाले अत्यावश्यक काम बाहेक बाहिर नजान विभागले सबैमा अनुरोध गरेको छ । तराईमा पछिल्लो समय लु को सम्भावना बढ्दो छ ।