काठमाडौं ।जाजरकोटको रामिडाँडा आसपास केन्द्रविन्दु भएर गएको भुकम्पका कारण सो क्षेत्रमा ठुलो क्षति भएको अनुमान गरिएको छ । मध्यराति ६.४ म्याग्निच्युडको भूकम्प गएपछि देशैभरि धक्का महशुष भएको थियो ।

राष्ट्रिय भूकम्प मापन केन्द्रका अनुसार मध्यराति भएकाले क्षतिको विवरण नआएपनि ठुलो धम्का भएकाले क्षति भएको हुन सक्ने बताएको छ । जाजरकोट ग्रामिण क्षेत्र भएकाले पनि माटोका घरहरु भएकाले क्षति भएको हुन सक्ने अनुमान गरिएको छ ।

केन्द्रका प्रमुख लोकविजय अधिकारीले राति ११ बजेर ४७ मिनेटमा जाजरकोट केन्द्रबिन्दु भएर सो भूकम्प गएको बताए । मापन केन्द्रले जाजरकोटको रामिडाँडा आसपास केन्द्रबिन्दु भएर भूकम्प गएको पुष्टि गरेको छ । भूकम्पको धक्का काठमाडौँका साथै देशैभरजसो महसुश भएको छ ।