काठमाडौं । मंगलबार उच्च अङ्कले घटेको शेयर बजार आज पनि घटेको छ । शेयर बजार परिसूचक नेप्से आज ११ दशमलव ९७ अङ्कले घटेर २ हजार ६ सय ४६ दशमलव ९५ विन्दुमा झरेको छ ।
आज म्युचल फन्ड र व्यापार बाहेक सबै समूहको शेयर घटेको छ । आज १ सय ८१ वटा कम्पनीको शेयर घट्दा ६६ वटाको बढेको छ । यस्तै समाज लघुवित्त कम्पनीको शेयर भने घटबढ भएन ।
आज कर्पोरेट विकास बैंकको शेयर सबैभन्दा धेरै ५ दशमलव ८१ प्रतिशतले ओरालो लागेको छ । समग्रमा बजार घटेको दिन ओम मेगाश्री फर्मास्युटिकल्स र प्योर इनर्जी कम्पनीको शेयर भने १० प्रतिशतले बढेको छ ।
आज नेप्सेसँगै कारोबार रकम पनि घटेको छ । हिजो ६ अर्ब ६७ करोडको कारोबार भएकोमा आज ३ सय १३ वटा कम्पनीका १ करोड ३७ लाख कित्ता शेयर ५ अर्ब १६ करोड रुपैयाँमा किनबेच भएको छ ।
