काठमाडौं । त्रिभुवन अन्तर्राष्ट्रिय विमानस्थलबाट आधा किलो सुनसहित एक जना पक्राउ परेका छन् । विमानस्थलको भन्सारबाट झापाका खगेन्द्र दर्जीलाई पक्राउ गरिएको हो । कतारको दोहाबाट काठमाडौंमा अवतरण गरेका दर्जी ४९९ ग्राम सुनसहित पक्राउ परेका हुन् । दर्जीले ४९९ ग्राम सुनलाई तरल पदार्थ बनाएर तस्करी गरी ल्याएका हुन् । हिमालय एअरलाइन्सको एच नाइन ५६४ नम्बरको उडानबाट दर्जी कतारका दोहादेखि काठमाडौँ आएका थिए ।