काठमाडौं,३१ असार । पछिल्लो समय नेपाल घाँस उत्पादनको प्रचुर संभावना छ । यस्तो अबस्थामा चितवनको भरतपुरबाट १० ट्रक घाँस चीन निर्यात गरिएको छ । आठ टनका चीनको सिगात्से पठाइएको छ । यो राम्रो सुरुवात रहेको उद्योगीहरुको भनाई छ ।

हेलेज हरियो घाँस सुकाएर बनाएको पशु आहारा हो । मकैको हरियो बोटलाई सुकाएर तयार पारेको यो हेलेज पहिलो पटक नेपालबाट चीन पठाइएको हो । घाँस निर्यातको पहिलो सुरुवातले नेपालका घाँस उत्पादन गर्ने व्यवसायीहरु हर्सित भएका छन् । चीन निर्यात गरिएको मकैका हरिया बोट वा अन्य पोसिलो घाँसलाई मेसिनले मसिनो गरी काटेर प्लास्टिकले हावा छिर्न नपाउने गरेर बेरेपछि कम्तीमा १३० दिनसम्म राखेर बनाइने पशु खान्कीलाई हेलेज भनिन्छ ।

चिनियाँ लगानीको कम्पनी नेपाल होराइजन इन्टरनेसनले भरतपुर महानगरपालिका–५ प्रेमबस्तीमा खोलेको कारखानामा चीन निर्यात हुने हेलेज उत्पादन हुने गरेको छ । तीन वर्षअघि कारखाना स्थापनाको काम सुरु भएको कम्पनीका प्रमुख कार्यकारी (सीईओ) छाङले जनाए । कारखानाले वार्षिक ६० हजार टन हेलेज उत्पादन गर्न सक्छ । त्यहाँ याकलाई खुवाउन हेलेज उपयोग गर्ने छाङले बताए । सिगात्सेमा वार्षिक १० लाख टनसम्म हेलेज खपत हुने गरेको उनको भनाइ छ ।

चीनमा एक टन हेलेजको २४ हजार नेपाली रुपैयाँसम्म पर्ने भएकाले यहाँ उत्पादन हुने हेलेज सहजै खपत हुने उनले जनाए । भरतपुर र रत्ननगरमा किसानले उत्पादन गरेका मकैका हरिया बोट कम्पनीले किनेर हेलेज बनाउने गरेको छ । मकैका बोटको अवस्था र गुणस्तर हेरेर प्रतिकट्ठा खेतको ६ हजार रुपैयाँसम्ममा किन्ने गरेको छाङले बताए । ‘अब जग्गा भाडामा लिएर वा किसानलाई मकै खेती गर्न लगाएर हेलेजको स्रोत जुटाउने योजनामा छौं ।

कृषी मन्त्री बेदुराम भूषालले नेपालमा कृषियोग्य १० लाख हेक्टर बाँझो जमिनमा खेती गर्न सकिने बताए । उनले विश्वलाई आवश्यक घाँस नेपालबाट निर्यात गर्ने सम्भावना राम्रो रहेको भन्दै त्यसलाई सरकारले विशेष महत्वकासाथ हेर्ने उनको भनाई छ ।