काठमाडौं, दशैं खर्चको लागि सेयर बिक्री गर्ने आज मंगलबार अन्तिम दिन रहेको छ। मंगलबार सम्म सेयर बिक्री गर्नेले मात्रै दशैँ अघि पैसा पाउने भएका छ।सेयर बिक्री गरेपछि लगानीकर्ताले पैसा पाउन ३ दिन लाग्छ। मंगलबार सेयर बिक्री गर्ने लगानीकर्ताले आगामी शुक्रबारसम्म बिक्री गरेको सेयरको पैसा पाउँछन्।
आइतबारदेखि दशै बिदा रहेकाले बुधबार सेयर बिक्री गर्ने लगानीकर्ताले दशैंपछि मात्रै भुक्तानी पाउँछन् यसले गर्दा दशैं खर्चको लागि सेयर बिक्री गर्ने मंगलबार नै अन्तिम दिन हो। पछिल्लो समय नेप्से सूचक लगातार घट्दो क्रममा देखिएको छ यसले गर्दा अहिले सेयर खरिद गर्ने लगानीकर्तालाले नाफा कमाउन सकेका छैनन्।
विगत केही दिनदेखि लगानीकर्ताले घाटामै सेयर बिक्री गरेर दशैं खर्च जोहो गरिरहेको देखिन्छ। तर अब भने सेयर बिक्री गर्दा भुक्तानी नपाउने भएकोले पनि बजारमा बिक्री चाप घट्ने अपेक्षा गरिएको छ।
