काठमाडौं । नेपाल उद्योग वाणिज्य महासंघको मनोरञ्जन फोरमको उपसभापतिमा चलचित्र संघका महासचिव नरेन्द्र महर्जन नियुक्त भएका छन् । महासंघ अध्यक्ष चन्द्रप्रसाद ढकालले महर्जनलाई नियुक्तिको प्रमाणपत्र प्रदान गरे ।
महासंघका कार्यकारिणी समिति सदस्य हरिबहादुर कार्कीको सभापतित्वमा खेलकुद तथा मनोरञ्जन फोरम गठन भएको थियो । समितिको सल्लाहकारमा निर्देशक आकाश अधिकारी नियुक्त भएका छन् ।
यसबाहेक अन्य केही कलाकार र खेल क्षेत्रका विज्ञलाई समेटेर फोरमको कार्यसमितिलाई पूर्णता दिइएको छ । नियुक्ति पत्र बुझेपछि अनलाइनखबरसँग कुरा गर्दै महर्जनले फिल्मलाई उद्योगको रुपमा विकास गर्न आफू दत्तचित्त भएर लाग्ने बताए ।
