काठमाडौं । साउन १९ गतेबाट प्रदर्शनको तयारीमा रहेको फिल्म अदृश्यको ट्रेलर सार्वजनिक भएको छ ।  अभिनेता सोहित मानन्धरको जन्मदिन पारेर ट्रेलर सार्वजनिक गरिएको हो ।

क्राइमःथ्रिलर फिल्ममा प्रमोद अग्रहरि, सोहित मानन्धर, रिस्ता बस्नेत लगायतको शीर्ष भूमिका छ । ग्याङ्स्टर लुक्समा देखिएका अभिनेता अग्रहरिले फिल्ममा एक युवतीको रहस्यमय हत्याको खोजीको नेतृत्व गर्ने अधिकृतको भूमिका निर्वाह गरेको देखिन्छ । ट्रेलर एक युवतीको बलात्कारपछि हत्या भएको केही दृश्यसँगै सुरु हुन्छ ।

सो घटनाको अनुसन्धानलाई प्रभावित पार्न नेताले गरेको प्रयास पनि टिजरमा चित्रण छ । समग्रमा फिल्म अदृश्य युवतीको बलात्कारपछि हत्या भएको घटनाको दोषी पत्ता लगाउन भएको कथावस्तुमा आधारित छ ।

प्रल्हाद काफ्लेको लेखन तथा निर्देशन रहेको फिल्म प्रवीण खतिवडा, छुल्ठिम गुरुङ्ग, रवि गिरी लगायतको समेत अभिनय छ । आकाश उखेडाले फिल्मको पटकथा लेखेका हुन् । फिल्मलाई पिताम्बर फिल्म्सको ब्यानरमा निर्माण गरिएको हो ।