काठमाडौं । नेपाली बजारमा मंगलबार सुनचाँदीको मूल्य घटेको छ । आज सुनको मूल्य प्रतितोला ४ सय रुपैयाँले घटेको हो ।
सोमबार छापावाला सुनको मूल्य प्रतितोला १ लाख १२ हजार ३ सय रुपैयाँमा कारोबार भएको थियो । मंगलबार प्रतितोला ४ सय रुपैयाँले घटेर १ लाख ११ हजार ९ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । त्यस्तै, मंगलबार तेजावी सुनको मूल्य प्रतितोला १ लाख ११ हजार ३५० रुपैयाँमा कारोबार भएको छ ।
साथै, मंगलबार चाँदीको मूल्य प्रतितोला १५ रुपैयाँले घटेको छ । आज चाँदीको मूल्य घटेर प्रतितोला १३ सय ७५ रुपैयाँ कायम भएको छ ।
