एजेन्सी । क्यानडेली वैज्ञानिक योशुआ बेन्जियोलले आर्टिफिसियल इन्टेलिजेन्स एआईले गर्दा विश्वभर सुरक्षा खतरा भएको बताउनुभएको छ ।
ओपनएआईको च्याटजीपीटी र गुगलको बार्ड जस्ता च्याटबटमा लामो समयदेखि काम गर्दै आएका बेन्जियोले एआई प्रविधिलाई नियमन गर्ने ऐन आवश्यक रहेको बताउनुभएको अलजजिराले उल्लेख गरेको छ ।
उनले संयुक्त राज्य अमेरिकाको एक समारोहमा एआईको विकास क्रमले जुन गति लिएको छ, त्यो गलत हातमा परे त्यसले सारा लोकतन्त्रमाथि खतरा पैदा गने चेतावनी समेत दिनुभयो । बेन्जियोलले एआईको गलत प्रयोगले जैविक हतियारहरु सिर्जना हुने चिन्ता व्यक्त गर्नुभएको छ । एआई मानव जीवनलाई सकारात्मक परिवर्तन गर्न विकास गरिएको भएपनि त्यसको गलत प्रयोगले मानव अस्तित्व खतरामा परेको बेन्जियोलको भनाई छ ।
