काठमाडौं । आफ्नो गीतका कारण विवाद र चर्चामा आउने गायक प्रकाश सपुतको यस पटकको सृजना भने विना विवाद रहित यूटुट्वको ट्रेन्डिङ्गमा पर्न सफल भएको छ ।

दुईदिन अघि सार्वजनिक भएको दमाई महाराज बोलको गीतलाई दर्शकले अत्यधिक रुचाएका छन् । यस वर्ष जातिय विभेदका विरुद्धमा सृजना पस्कीने बताएका सपुतले आफ्नो पहिलो कोशेली मार्फत् दमाई महाराज सार्वजनिक गरेका हुन् ।

आफ्नै शव्द, संगीत र स्वरमा रहेको गीतले धर्मका नाममा हुने जातिय विभेदको अन्त्यको सन्देश दिएको छ । गीतमा शान्ति श्री परियारको पनि स्वर रहेको छ । यो गीतलाई सपुतले यसअघिका बोल माया, गल्बन्दीकै निरन्तरता भनेका छन् । 

गीतमा सपुत एउटा पुराणवाचक पण्डितको भेषमा देखिएका छन्। भिडिओको कथा र निर्देशन पनि सपुतकै रहेको छ। भिडिओमा मोडलद्वय गरिमा शर्मा र गीता ढुङ्गानाको अभिनय छ। अञ्जली अधिकारीको पनि थोरै अभिनय छ।

आजको मितिसम्म उनको गीत दमाई महाराज २९ लाख ५१ हजार १ सय ३७ पटक हेरिएको छ ।