काठमाडौं । विदेशमा किनबेच भएको भनिएको टाइगर प्यालेसका अध्यक्ष बुद्धिसागर सुवेदीले नेपालमा वैदेशिक लगानीको वातावरण छैन भन्ने सन्देश जाने भएर टाइगर प्यालेस किनेको बताएका छन् । बुधबार अध्यक्ष सुवेदीले पत्रकार सम्मेलनमार्फत नेपालमा वैदेशिक लगानीको वातावरण छैन भन्ने सन्देश जाने भएर भैरहवा, रुपन्देहीको टाइगर प्यालेस रिसोर्ट किनेको बताएका हुन । अष्ट्रिलियन कम्पनी सिल्भर हेरिटेज गु्रप लगानीमा सञ्चालित टाइगर प्यालेसलाई गैरआवासीय नेपालीहरुले हिमालयन टाइगर इन्भेष्टमेन्ट इक मार्फत सिल्भर हेरिटेज लिमिटेडमा भएको सबै शेयर खरिद गरिएको हो ।
कोभिड महामारी र रिसोर्ट सञ्चालनको क्रममा देखिएको आन्तरिक विवादको कारण केही वर्षदेखि पूर्णरुपमा सञ्चालन हुन नसकेको प्रत्यक्ष वैदेशिक लगानीमा सञ्चालन परियोजना बन्द हुने अवस्थामा पुगेको र विदेशमा समेत नेपालमा वैदेशिक लगानीको वातावरण नभएको गलत सन्देश जाने भएपछि रिसोर्ट खरिद गरिएको अध्यक्ष सुवेदीले बताए ।
