काठमाडौं । नेपाल आयल निगमले लुम्बिनी प्रादेशिक इन्धन भण्डारण (डीपो) निर्माणका लागि विस्तृत परियोजना प्रतिवेदन (डीपीआर) तयार गर्न काठमाडौँ विश्वविद्यालयसँग सम्झौता गरेको छ ।
रुपन्देहीको ओमसतिया र रोहिणी गाउँपालिकामा निर्माणका लागि डीपीआर तयार गर्न बुधवार निगमका उपनिर्देशक प्रदीप यादव र केयुको कन्सल्टेन्सी विभाग प्रमुख विवेक बरालले सम्झौता पत्रमा हस्ताक्षर गरेका छन् ।
एक करोड ९५ लाख ७६ हजार ५७८ रुपैयाँ ५५ पैसामा डीपीआर तयार गर्ने ६ महिनाभित्र डीपिआर तयार गर्ने सम्झौता भएको छ । निगमले चालू आर्थिक वर्षको नीति तथा कार्यक्रम र बजेटमा रोहिणी नदी किनारमा रहेको करिब १४.७ बिघा जमिनमा आधुनिक डिपो निर्माण गर्ने बताएको छ । सो डिपो २०८४ मङ्सिरसम्म स्थानान्तरण गरिने निगमले जनाएको छ ।
