काठमाडौं ।नेपाल वैदेशिक रोजगार व्यवसायी संघले साउदी अरबमा जाने नेपाली कामदारलाई आर्थिक भार पर्ने भन्दैं बायोमेट्रिक रोक्न माग गरेको छ ।

साउदी अरबले सन् २०२४ को सुरुदेखि सबैलाई बायोमेट्रिक अनिवार्य गर्ने तयारी गरेको  छ । नेपालमा रहेको साउदी दुतावसले नेपाल सरकार, श्रम, रोजगार तथा सामाजिक सुरक्षा मन्त्रालयसँग कुनै अनुमतिबिना आफ्नो सूचना पार्टीमा सूचना प्रकाशितगरि २०२४ जनवरी १ बाट कामदारको बायोमेट्रिक गर्नु पर्ने लगायतका विषयहरु लागू गर्न भनेको छ ।

अहिले भिजिट र परिवारिक भिजामा बायोमेट्रिकका लागि १७ हजार लिइरहेको छ । कामदारका लागि भने यति नै लिने भनेर तोकेको छैन । तर, कामदारलाई सुरुमा ७ सय रुपैयाँ लिने भनिएको छ, भने विस्तारै बढाउँदै जाने उल्लेख छ । प्रतिदिन ५० जनाको मात्रै बायोमेट्रिक गर्ने कोटा दिने उल्लेख छ ।

नेपालबाट प्रत्यक दिन करिब ३ देखि ४ सय नेपाली रोजगारीको लागि साउदी जाने संघका अध्यक्ष राजेन्द्र भन्डारीले बताए । उनले कामदारलाई थप आर्थिक भार पर्ने भन्दै बायोमेट्रिक लागू गर्ने भन्ने विषयमा विरोध गरे । नेपालबाट साउदी जाने कामदारलाई बायोमेट्रिक लागू गर्ने हो भने आर्थिक भार थपिने उनको भनाई छ ।