काठमाण्डौ । सिप्रवी सेक्युरिटीजी प्रालि (ब्रोकर नं. २२) ले वीरगन्जमा शाखा विस्तार गरेको छ । वीरगन्जको आदर्शनगरस्थित रुंगटा मलमा सिप्रवीले शुक्रबारबाट शाखा विस्तार गर्दै सञ्चालनमा ल्याएको हो ।
शाखाको एक कार्यक्रमबीच नेपाल उद्योग वाणिज्य संघ मधेस प्रदेशका अध्यक्ष अशोककुमार टेमानीले उद्घाटन गरेका थिए ।
ललितपुरस्थित पुलचोकमा मुख्य कार्यालय रहेको सिप्रवीले यसअघि वीरगन्जमा विभिन्न कार्यक्रमको आयोजना गर्दै आइरहेको छ । सिप्रवीले गत वर्ष वीरगन्जमा सेयर मार्केटका लगानीकर्ताका लागि सचेतना कार्यक्रम पनि आयोजना गरेको महाप्रबन्धक जयन्त श्रीवास्तवले जानकारी दिए ।
श्रीवास्तवका अनुसार सिप्रवीले अन्य सेयर ब्रोकरको तुलनामा नयाँ खाता खोल्ने ग्राहकलाई ई–मेलमार्फत सेयर बजारसम्बन्धी निःशुल्क शैक्षिक सामग्री पठाउने गरेको छ । त्यस्तै, सिप्रवीका ग्राहकले सहज रुपमै चलनचल्तीका च्याटिङ एपहरु जस्तैः भाइबर, ह्वाट्सएप, गुगल र फेसबुक म्यासेन्जरमार्फत् ब्रोकरलाई आफ्ना गुनासा टिपाएर समाधान खोज्न पनि व्यवस्था गरिदिएको छ ।
सिप्रवीले सेयर कारोबारसम्बन्धी सचेतना फैलाउन वीरगन्जका विभिन्न शैक्षिक संस्थासँग समेत सहकार्य गरेको छ । आगामी भविष्यमा उनीहरुसँग मिलेर विभिन्न कार्यक्रम गर्ने योजनासमेत रहेको श्रीवास्तवले जानकारी दिए ।
