नेपाल धितोपत्र बोर्ड (सेबोन)ले थप ११ वटा नयाँ कम्पनीलाई ब्रोकर लाइसेन्स प्रदान गरेको छ ।
सेबोन सञ्चालक समितिको बिहीबार बसेको बैठकले थप ११ वटा कम्पनीलाई ब्रोकर लाइसेन्स दिने निर्णय गरेको हो ।
जसमा सेबोनले बिहीबार मिल्की वे सेयर ब्रोकर कम्पनी, क्यापिटल हब, आकाशभैरव सेक्युरिटी, पाही इन्भेस्टमेन्ट, एसपीएसए सेक्युरिटिज, एनएमबि सेक्युरिटिज, सानिमा सेक्युरिटिज, इन्दिरा सेक्युरिटिज, ब्लुचिप सेक्युरिटिज र गरिमा सेक्युरिटिज छन् ।
योसँगै नयाँ ब्रोकर लाइसेन्स पाउने कम्पनीको संख्या २९ पुगेको छ । सेबोनले यसअघि ब्रोकर लाइसेन्स प्रदान गरेको १८ वटा कम्पनीमध्ये ७ वटाले नेपाल स्टक एक्सचेन्जबाट कारोबार सदस्यता लिई सेवा सञ्चालन गरिसकेका छन्। एउटा कम्पनी मर्जरमा गएकोले बाँकी १० वटा कम्पनीलाई कारोबार सदस्यता प्रदान गर्न नेप्सेले प्राविधिक र भौतिक पूर्वाधारबारे अध्ययन गरिरहेको जनाएको छ ।
