काठमाडौं, १४ जेठ । ढल निकासमा नगरपालिकाले ध्यान नदिएको भन्दै कीर्तिपुर नयाँबजार अमल्सिमा स्थानियले बाटो बन्द गराएका छन् । बिहानदेखि बन्द बाटोका कारण यातायात अबरुद्ध भएको छ । बैकल्पीक मार्गकारुपमा रहेको कीर्तिपुर हस्पीटल क्षेत्रमा लामो जाम लाग्ने गरेको छ । नगरपालिकालाई पटक—पटक जानकारी गराउदा पनि समस्या समाधान नगरेको भन्दै स्थानीयहरु आक्रोशीत भएका हुन ।
यसैबीच, नगरपालिकाले ढल निकासीकालागि तत्काल सम्बन्धीत कर्मचारीलाई जानकारी गराएको जनाएको छ । आज नगरपालिकाले बार्षीक सार्वजनिक सुनुवाइन कार्यक्रमको आयोजना गरेकाले स्थानीयको समस्या तत्काल समाधान हुने एक अधिकारीले बताएका छन् । कीर्तिपुर क्षेत्रमा विद्युतीय तार विस्तारको कार्य भइरहेकाले अधिकांस स्थानमा ढलको समस्या बढ्दै गएको छ ।
