काठमाडौं । दक्षिणकाली नगरपालिकाले प्रशासनिक भवन निर्माण सुरु गरेको छ । स्थानीय चिन्ता गणेश परिसरमा जिल्ला समन्वय समिति काठमाडौं र दक्षिणकाली नगरपालिकाको लागत साझेदारी सो भवन बन्न सुरु भएको हो । दक्षिणकाली नगरपालिकाको प्रशासनिक भवन निर्माणका लागि गत पौष २ गते मेयर मोहन बहादुर बस्नेत र जिसस काठमाडौं प्रमुख सन्तोष बुढाथोकीबीच सम्झौता पत्र हस्तान्तरण सम्पन्न भएको हो । २०८२ असार ७ गतेभित्र निर्माण सम्पन्न हुनेगरी निर्माण सुरु भएको भवनको कुल लागत भ्याटसहित १५ करोड ७७ लाख ९५ हजार १ सय ६२ रूपैयाँ ९८ पैसा रहनेछ । भवन निर्माणको जिम्मा लुना विल्डर्स एण्ड कन्ट्राटरले पाएको छ ।