काठमाडौं । कीर्तिपुर नगरपालिका र मातहतका निकायमा  आज सोमबार शोक बिदा दिइएको छ । आइतबार साँझ एक सूचना जारी गर्दै नगरपालिकाले नगरको स्वास्थ्य सेवा अन्तर्गत पाँगा बालकुमारी स्वास्थ्य चौकीमा कार्यरत कर्मचारीको निधन भएकोमा शोक विदा दिइएको जनाएको हो ।

अनमी देवकी सुवेदीको आइतबार निधन भएको शोकमा  आजका लागि नगर कार्यपालिकाको कार्यालय, वडा कार्यालय तथा मातहतका सबैका बिदा दिइएको कीर्तिपुर नगरपालिकाले जनाएको छ।