काठमाडौं । काठमाडौं उपत्यकामा मेलम्ची खानीपानी आउन थालेपछि त्यसको आसपास क्षेत्रमा पनि वितरण सुरु भएको छ । कीर्तिपुरमा पनि मेलम्ची खानेपानी वितरण सुरु भएको छ । काठमाडौं उपत्यका खानेपानी वितरण लिमिडेट कीर्तिपुर शाखाले कीर्तिपुरका विभिन्न क्षेत्रमा पानी वितरण सुरु गरेको छ । शाखाले एक सुचना मार्फत कीर्तिपुरका कुन स्थानमा कहिले र कति बजे पानी वितरण हुन्छ विवरण सार्वजनिक गरेको छ । पानी नआए वा कुनै समस्या भए प्राविधिक टोलीको फोन नम्बर पनि उपलब्ध भएको शाखाले जनाएको छ ।