काठमाडौँ । रियलमीले बुधबार नेपाली बजारमा आफ्नो नयाँ उत्पादन ‘रियलमी जिटी ६ टी’ सार्वजनिक गरेको छ । रियलमी जिटी ६ टीको माक्वाल्कम स्न्यापड्रागन सेभेन जेन थ्रि चिपसेट, १२० हर्जको रिफ्रेस रेट, ५५०० एमएएचको ब्याट्री र १२० वाट्को सुपरभोक चार्जर जस्ता विशेषताहरु रहेको कम्पनीले जानकारी दिएको छ । रियलमी जिटी ६ टी १२ प्लस ५१२ जीबी भेरियन्टमा फ्लुइड सिल्भर र रेजर ग्रीन रंगमा उपलब्ध यसको नेपाली बजारमा मुल्य ६५ हजार ९९९ रुपैया“ रहेको कम्पनीले जानकारी दिएको छ । रियलमीको भारत र नेपालको हेड अफ स्ट्राटिजी मुनिस गिरीले ग्रँहकमाझ नयाँ उत्पादन सार्वजनिक गर्न पाएको कम्पनी उत्साहित भएको बताए । कम्पनीको अनुसार यो स्मार्टफोनमा ६.७८ इन्च भएको ६ हजार निटको हाइपर डिस्प्ले र ५० मेगापिक्सेलको सोनी एलवाइटी ६०० को मुख्य क्यामारा रहेको छ ।