काठमाडौं । साताको कारोबार हुने अन्तिमदिन आज सुनको मूल्य घटेको छ । शुक्रबार सुनको मूल्यमा तोलामा २०० रुपैयाँले घटेको हो ।

नेपाल सुनचाँदी व्यवसायी महासंघका अनुसार छापावाला सुन प्रतितोला एक लाख १६ हजार ३०० रुपैयाँ र तेजावी सुन प्रतितोला एक लाख १५ हजार ७५० रुपैयाँमा कारोबार भएको भएको छ ।

बिहीबार छापावाला सुन प्रतितोला एक लाख १६ हजार ५०० रुपैयाँ र तेजाबी सुन प्रतितोला एक लाख १५ हजार ९०० रुपैयाँमा कारोबार भएको थियो । चाँदीको मूल्य भने ५ रुपैयाँले बढेको छ ।

यस दिन चाँदी प्रतितोला एक हजार ४५० रुपैयाँमा खरिदबिक्री भइरहेको छ । हिजो तोलमा एक हजार ४४५ रुपैयाँमा कारोबार भएको थियो ।