रोल्पा । रोल्पाको माडी गाउँपालिका २, घर्तीगाउँबाट माडी ४, तलाबाङ जाँदै गरेको जिप दुर्घटना हुँदा एक बच्चासहित आठजना मृत्यु भएको छ । दुर्घटनामा ६ जना घाइते भएका छन् । लु.१ज ३२५२ नम्बरको जिप परेवा छहरामा सोमबार दिउँसो दुघर्टना भएको हो । दुर्घटनाका मृत्यु भएकाहरुको पहिचान खुलेको छैन् । घाइतेहरुलाई उपचारका लागि प्राथमिक स्वास्थ्य केन्द्र घर्तीगाउँमा पठाएको जिल्ला प्रहरी कार्यालय रोल्पाले जनाएको   छ । दुर्घटनामा घाइतेहरूको अवस्था चिन्ताजनक रहेको प्रहरीले जनाएको छ । जिप सडकबाट करिब ४ सय मिटर तल खसेको थियो ।