काठमाडौं । कीर्तिपुर नगरपालिका भाजंगलस्थित पाँगाका स्थानीयहरुको मशान(दीप)मा नोक्सानी हुनेगरि नगरपालिकाले बाटो निर्माण गर्न खोजेको भन्दै विरोध गरेका छन् ।

पाँगाका स्थानीयले प्रयोग गर्दै आइरहेको मशान (दीप)नै मेटिने खतरा बढेको भन्दै बाटो निर्माणलाई रोक्न सार्वजनिक सुनुवाई नै आयोजना गरेका हुन । स्थानीयले शनिवार सार्वजनिक सुनुवाइ गर्दै मशान (दीप)हानी नोक्सारी हुनेगरि खोला छोपी बाटो बनाउन खोजिएको भन्दै विरोध गरेका छन् ।

स्थानीय गुठी, टोल तथा नागरिक समाजका अगुवाहरुले नगरपालिकालाई पटक—पटक ध्यानाकर्षण गराउदा पनि सुनुवाइ नभएको भन्दै आपत्ती जनाएका छन् । स्थानीयले तत्काल काम नरोके विरोध गर्ने बताएका छन् ।

कीर्तिपुर नगरपालिकाले बाटो निर्माणकालागि २० लाख विनियोजन गरेको छ । तर, स्थानीयले बाटो फराकिलो भए त्यहाँ बस्ती बस्ने र मशान (दीप)को इतिहास मेटिने दावी गर्दै आइरहेका छन् । यसैबीच, स्थानीय पत्रकार तथा नागरिक समाजका नजरराम महर्जनको संयोजकत्वमा एउटा समिति बनेको छ । उक्त समितिले केहिदिन  भित्र पुर्ण समिति निर्माण गर्ने र आगामी कार्यक्रमहरु अघि बढाउने छ ।