काठमाडौं, भदौ १८ । सुनचाँदी बजारमा आज छापावाल सुनको मूल्य प्रतितोला १ लाख १३ हजार पुगेको छ । अघिल्लो दिन प्रतितोला १ लाख १२ हजार ६ सयमा कारोबार भएको सुनको मूल्य आज प्रतितोला चार सयले बढेको हो ।

नेपाल सुनचाँदी व्यवसायी महासङ्घले सार्वजनिक गरेको विवरण अनुसार आज तेजाबी सुनको मूल्य प्रतितोला १ लाख १२ हजार ४ सय ५० तोकिएको छ । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला ५ सय बढेर १ हजार ४ सय ६५ भएको माहासंले बताएको छ ।