काठमाडौं । गितेन्द्रबाबु (जीबी)राई पक्राउ परेका छन् । उनको समूहले सहकारीका बचतकर्ताको १६ अर्बभन्दा बढी रकम दुरुपयोग गरेको आरोप थियो । प्रहरी स्रोतका अनुसार उनलाई सिंगापुरमा पक्राउ गरिएको हो ।

सहकारीको रकम हिनामिना गरेको आरोप लागेका राई विरुद्ध रेड नोटिस जारी भएको थियो । जीबी राईसहित पोखरास्थित सूर्यदर्शन बचत तथा ऋण सहकारी संस्थाका चार जनाविरुद्ध यसअघि डिफ्युजन नोटिस जारी छ ।

डिफ्युजन नोटिसले मात्रै उनलाई विदेशबाट पक्राउ गरेर नेपाल झिकाउन समस्या देखिएपछि नेपाल प्रहरीले डिफ्युजन नोटिसलाई (रेड नोटिस)मा बदल्न पत्राचार गरेको थियो । प्रहरी अधिकारीका अनुसार राई मेलेसियामा रहेको बताइदै आएको थियो । उनले सहकारीको रकमले मलेसियामा २०१९ मै अपार्टमेन्ट खरिद गरेको खुलेको थियो ।