काठमाडौं । देशमा बाढी पहिरोका कारण जनजिवन कष्टकर बनेको समय प्रधानमन्त्री केपी ओली अमेरिका भ्रमणमा रहेको भन्दै आलोचना भएपनि उनि आजमात्रै स्वदेश फर्किने भएका छन् । संयुक्त राष्ट्रसङ्घको ७९ औँ महासभामा सहभागी हुन संयुक्त राज्य अमेरिका पुगेका ओली आज नेपाल आइपुग्नु कार्यतालिका छ । प्रधानमन्त्रीको सचिवालयका अनुसार आइतबार साँझ संयुक्त राज्य अमेरिकाको बोस्टनबाट कतारका लागि प्रस्थान गरेका उनि कतारबाट आज नेपाल आइपुग्ने छन्। प्रधानमन्त्री ओलीले अमेरिकामा रहँदा राष्ट्रसङ्घीय महासभालाई सम्बोधन गरेका थिए । प्रधानमन्त्री ओली नेपाली प्रतिनिधिमण्डलको नेतृत्व गर्दै असोज ४ गते न्युयोर्क प्रस्थान गरेका थिए ।