काठमाडौँ । कवाड व्यवसायी संघर्ष समितिले काठमाडौं महानगरपालिका विरुद्ध आन्दोलनको घोषणा गरेको छ । समितिले बुधबार काठमाडौंमा पत्रकार सम्मेलन गर्दै आफ्नो व्यवसायमाथि ज्याजती गरेको भन्दै महानगर घेराउ गर्ने भएको हो ।
समितिले आगामी पुस १४ गते महानगरको कार्यालय घेर्ने जनाएको छ । पत्रकार सम्मेलनमा कवाड व्यवसायी संघर्ष समितिका संयोजक राम केवल गुप्ताले आफूहरु काठमाडौँ महानगरविरुद्ध आन्दोलनमा जान लागेको बताए ।
काठमाडौँ महानगर प्रहरीहरूले कवाड व्यवसायीलाई दुःख दिएको, हातपात गरेको, कुटपिट गरेको र गाली बेइनजती गरेको उनिहरुको आरोप छ । अदाललते कवाड नहटाउन आदेश दिएपनि महानगरले त्यसको विपरीत काम गरिरहेको उनिहरुको भनाई छ ।
