काठमाडौँ । नेपाल प्रिमियर लिग (एनपीएल) मा सट्टेबाजी गरेको आरोपमा चार भारतीय नागरिक पक्राउ परेका छन् । नेपाल प्रहरीको केन्द्रीय अनुसन्धान ब्युरो (सीआईबी) ले कोलकाता बाह्रसान बवुगाद्धीका २४ वर्षे सुमन घोष, उत्तर प्रदेश कानपुरका २५ वर्षे अमित यादव, बिहार सहरसा बखरीका २७ वर्षे सुमन्त कुमार र बिहार सहरसा हरंसरीका ३० वर्षे ब्रजेश कुमारलाई मंगलबार पक्राउ गरेको हो । प्रतियोगिताको समयमा स्पोर्ट्स बजी र प्रोबो नामका अनलाइन एप्सबाट मैदानमा सट्टेबाजी गरेको आरोपमा उनीहरूलाई कीर्तिपुर मैदानबाटै पक्राउ गरिएको प्रहरीले जनाएको छ । उनीहरूका साथबाट भारतीय आधार कार्ड ४ र स्मार्ट मोबाइल ६ थान बरामद गरिएको प्रहरीले जनाएको छ । घटनाबारे अनुसन्धान भइरहेको प्रहरीको भनाइ छ ।