काठमाडौँ । संक्रमणकालीन न्यायसम्बन्धी पदाधिकारी सिफारिस गर्न सरकारले गठन गरेको सर्च कमिटीले पदाधिकारीमा दरखास्त दिने म्याद मंसिर ४ गतेसम्म थपिएको छ । यसअघि बिहीबार सम्मका लागि भन्दै सूचना जारी भएको थियो ।
हालसम्म परेको आवेदन र अनुरोधका आधारमा मंसिर ४ गते ५ बजेसम्मका लागि आवेदन दिन पाउने म्याद थप भएको सिफारिस समितिका प्रवक्ता खम्बबहादुर खातीले बताए ।
सर्वोच्च अदालतका पूर्वप्रधानन्यायाधीश ओमप्रकाश मिश्रको नेतृत्वमा सत्य निरुपण तथा मेलमिलाप र बेपत्ता आयोगको पदाधिकारी सिफारिसका लागि सर्च कमिटी गठन भएको थियो ।
