काठमाडौँ । काठमाडौं ठमेलस्थित एक होटलबाट प्रहरीले कोकिनसहित एक विदेशी महिला पक्राउ गरेको छ । पक्राउ पर्नेमा मलेसियाकी ४७ वर्षीया बाथुमालाई भाडिभालु रहेको प्रहरीले जनाएको छ । उनलाई काठमाडौँ सिटी होटलबाट नियन्त्रणमा लिइएको प्रहरीले जनाएको छ । होटलमा लागु औषधको कारोबार भइरहेको छ, भन्ने विशेष सूचनाको आधारमा जिल्ला प्रहरी परिसर काठमाडौँ र प्रहरी वृत्त लैनचौरको संयुक्त टोलीले उनलाई पक्राउ गरेको जनाइएको छ । कोठाको खान तलासी गर्दा ६ वटा स्कुल ब्यागमा फल्स बटम बनाएर कोकिन लुकाएको भेटिएको थियो । बरामद भएको ५ किलो ८२० ग्रामको बजार मूल्य २० करोड ३६ लाख रुपैयाँ हुन आउने प्रहरीको भनाई छ ।