काठमाडौं । काठमाडौंको कीर्तिपुरबाट जुवातास खेलिरहेको अवस्थामा २३ जना पक्राउ परेका छन् । कीर्तिपुर नगरपालिका—६ बस्ने ३८ वर्षीय मनिकराम महर्जनको टहरामा जुवातास खेलिरहेको अवस्थामा महर्जन समेत १५ जनालाई प्रहरीले पक्राउ गरेको हो ।
प्रहरी वृत्त कीर्तिपुरबाट खटिएको प्रहरीले उनीहरूलाई नगद ३८ हजार ५ सय ९९ रुपैयाँ र ३ बुक ताससहित पक्राउ गरेको हो । यसैगरी कीर्तिपुर नगरपालिका—१ अमृतनगर बस्ने ५१ वर्षीय भक्त बहादुर राईको टहरामा जुवातास खेलिरहेको अवस्थामा राई समेत ८ जनालाई प्रहरीले पक्राउ गरेको छ ।
प्रहरी वृत्त कीर्तिपुरबाट खटिएको प्रहरीले उनीहरूलाई नगद ४५ हजार रुपैयाँ र ९ बुक ताससहित पक्राउ गरेको हो । यसअघि प्रहरीले कीर्तिपुरबाटै अनलाइन जुवा खेलाएको अभियोगमा विभिन्न व्यक्तीहरुलाई पक्राउगरि कारबाही अघि बढाएको थियो ।
