काठमाडौं । कीर्तिपुर नगरपालिका ६ स्थित टौदह बचत तथा ऋण सहकारी संस्थामा ऋण नतिर्नेको सूची बढ्न थालेको छ । संस्थाले पछिल्लो समय लगातार कर्जा चुक्ताको सूचना निकाल्ले गरेको हो । यहि वर्षमा सहकारीले विभिन्न १५ जना व्यक्तीको नाममा कर्जा चुक्ताकालागि सार्वजनिक सूचना प्रकाशित गरेको छ । भने, अन्य समय विभिन्न संस्थागत सूचना जारी गरेको छ ।

देशभरका सहकारी संस्थामा देखिएको तरलताका बीच सो संस्थाले पनि बचत फिर्ताको दवाव भोगिरहेको बारम्बार प्रकाशित सार्वजनिक सूचनाबाट प्रष्ट हुन्छ । आर्थिक वर्षमा पटक—पटक कर्जा चुक्ताको सूचना सार्वजनिक र संस्थागतरुपमा निकाल्ने गरेको छ । सहकारीले यहि १६ गतेपनि तीन जना ऋणीको नाममा सार्वजनिक सूचना प्रकाशित गरेको छ । खराब कर्जाका कारण ऋण असुलिमा समस्या भइरहेको जानकारहरुको भनाई छ ।

त्यस्तै, सहकारीले संस्थागत रुपमा विज्ञप्ती जारी गर्दै समाजिक सञ्चालमा गत बर्ष २०८०/०९/२० गते ऋणको किस्ता बुझाउन आउने बारेमा सूचना प्रकाशित गरेको थियो । संस्थाले यसरी संस्थागत र सार्वजनिकरुपमा ऋण चुक्ताको सूचना सार्वजनिक गरेको यहि वर्षमा दुई पटक भइसक्यो ।
यस पटक प्रकाशित सूचनामा ऋणको जमानिको नामनै उल्लेख छैन् ।

सूचना प्रकाशित गर्दा छुटेको हो वा छुटाइएको । यसले के पुष्टी हुन्छ भने विना कुनै ज्ञारेन्टी सहकारीले नियम विपरित ऋण लगानी गर्दा अहिले तरलताको समाना गरिरहेको छ । यहि १६ गते कीर्तिपुरबाट प्रकाशित हुने किर्तिपुर सन्देश साप्ताहिक पत्रिकामा प्रकाशित तीन जना ऋणी मध्ये दुई जना ऋणीको जमानिको नाम छैन ।

ऋणी नितु महर्जनको जमानि छैन भने अर्का ऋणी सुरेन्द्र केसीको पनि जमानिमा नाम छैन । त्यस्तै, अघिल्लो सूचना २०८१/०३/०९ गते प्रकाशित १२ जना ऋणीको नाम मध्ये तीन जनाको जमानिनै छैन । ऋणी राजिव महर्जन, लक्ष्मी गुरुङ, पुर्णप्रसाद खतिवडाको जमानिको नामनै उल्लेख छैन । यसरी प्रक्रियानै अधुरो बनाई ऋण लगानी गर्दा असुलीमा समस्या देखिएको यसअघि सहकारी संस्था बचत रकम दुरुपयोग सम्बन्धी विशेष छानबिन समितिले जारी गरेको प्रतिवेदनमा पनि उल्लेख छ ।