काठमाडौं । सडकपेटी निर्माण गर्दा सडकमा धुलो गरेको भन्दै काठमाडौं महानगरपालिकाले एक निर्माण कम्पनीलाई ५० हजार रुपैयाँ जरिवाना गराएको छ।काठमाडौं महानगरपालिका– १४ कालीमाटीमा सडकपेटी निर्माण गर्दा ब्यारिकेट नलगाई काम गरी धुलो सडकमा पुगेपछि के एनड केजी विश्वजित जेभीलाई महानगरले जरिवाना गराएको हो। सडकलगायत सार्वजनिक स्थल फोहोर गर्ने व्यक्ति र संस्थाहरूलाई महानगरले यसअघिदेखि नै जरिवाना गराउँदै आएको छ।