काठमाडौं । आइतबार सुन र चाँदी दुबैको भाउ स्थिर रहेको छ। नेपाल सुनचाँदी व्यवसायी महासँघका अनुसार आइतबार छापावाला सुन प्रतितोला १ लाख ३६ हजार ९०० रुपैयाँमा खरिदबिक्री भइरहेको छ भने तेजाबी सुन प्रतितोला १ लाख ३६ हजार २५० रुपैयाँमा खरिदबिक्री भइरहेको छ। गत शुक्रबार सुनको भाउ तोलामा १ हजार ८०० रुपैयाँले घटेको थियो। आइतबार पनि सुन सोहि भाउमा कारोबार भइरहेको छ। आइतबार चाँदी पनि शुक्रबारकै भाउ प्रतितोला १ हजार ८५५ रुपैयाँमा खरिदबिक्री भइरहेको छ। शुक्रबार चाँदी तोलामा १० रुपैयाँले घटेको थियो तर आइतबार भाउमा कुनै परिवर्तन भएको छैन।