काठमाडौं । स्याङ्जाको आँधीखोला गाउँपालिका–२ बेझाङमा बोलेरो जिप दुर्घटना हुँदा सात जना घाइते भएका छन् । शिरुबारी देखि पोखरा जाँदै गरेको ग १ ज ५७५६ नम्बरको बोलेरो जिप बेझाङ भालेखर्कमा शुक्रबार दुर्घटना हुँदा सात जना घाइते भएको प्रहरीले जनाएको छ । दुर्घटनामा परी जिपमा सवार चालकसहित ८ जना मध्ये घाइते भएका सात जनालाई उपचारका लागि सेतिदोभान स्वास्थ्य चौकीमा पठाइएको छ ।

दुर्घटनामा आँधीखोला गाउँपालिका – ५ का ५० वर्षीया आत्मराम सिग्देल, ८४ वर्षीया कलावती घिमिरे, ३२ वर्षीया सिर्जना चापागाई, कास्की महानगरपालिका पोखरा छोरेपाटनका १६ बर्षिय अमना नेपाली, अर्जुनचौपारी– ५ कि ५८ वर्षीया शान्ति कुमारी सापकोटा, ६१ वर्षीया शिव सिग्देल, कास्की महानगरपालिका ११ कि तीन वर्षीया छोरी सोफीया नेपाली घाइते भएका छन् ।