काठमाडौँ । काठमाडौँको नागार्जुन नगरपालिका–९ स्थित स्युचाटारमा चोरी गरेको आरोपमा प्रहरीले एकजना युवकलाई पक्राउ गरेको छ । पक्राउ पर्नेमा दोलखा बैत्यश्वर गाउँपालिका वडा नम्बर–३ घर भएर ढल्कु बस्ने २७ वर्षीय मान बहादुर परियार छन् । आरोपीले असार २६ मा स्युचाटार स्थित सम्झना मगरको डेरामा चोरी गरेको प्रहरीले जनाएको छ । सुन तथा चाँदीका गहना र नगद चोरेको आरोपमा प्रहरी वृत्त कालीमाटीले उनीमाथि अनुसन्धान गरिरहेको छ । उनको साथबाट ३ थान मोबाइल र १२ हजार नगद बरामद गरिएको छ ।