काठमाडौँ । बुद्ध एयरले बुधबारदेखि भारतको वाराणसीको लागि तेस्रो उडान थपेको छ । यसअघि हप्तामा सोमबार र शुक्रबार मात्रै उडान हुने गरेको थियो । साताको तीन उडानले यात्रुलाई आउजाउमा थप सहयोग पुग्ने बुद्ध एयरले जनाएको छ । बुद्ध एयरको भगिनी संस्था बुद्ध होलिडेजले वाराणसी, सारनाथ अयोध्यालगायत वरपरका विभिन्न गन्तव्यका लागि होलिडे प्याकेज ल्याएको छ ।
बुद्ध एयरले बुधबार जारी गरेको विज्ञप्तिमा भनिएको छ,यात्रुलाई भारतको बोधगया गई सोह्र श्राद्ध गर्न थप सहयोग पुग्नेछ । बुद्धका उडानबाट काठमाडौं—वाराणसी ५० मिनेटमै पुग्न सकिन्छ । काठमाडौंबाट वाराणसी शुरुआती एकतर्फी भाडा ११ हजार ३ सय ६० रुपैयाँ रहेको छ । उडान समय काठमाडौंबाट ७ः१५ तथा वाराणसीबाट ८ः३० रहेको छ ।
