काठमाडौँ । नेपाल आयल निगमले इन्धनको मूल्य घटाएको छ । इण्डियन आयल कर्पोरेसनबाट आइतबार प्राप्त नयाँ खरिद मूल्यअनुसार आयल निगमले गएराति १२ बजेदेखि लागू हुने गरी मूल्य समायोजन गरेको हो । निगमले निकालेको विज्ञप्ति अनुसार पेट्रोलमा प्रतिलिटर ४ र डिजेल—मट्टितेलमा ५—५ रुपैयाँले मूल्य घटेको छ ।
नयाँ खरिद मूल्य प्राप्त भएपछि निगमको सञ्चालक परिषद् बैठकले भाउ घटाउने निर्णय गरेको हो । निगमको डिपो कार्यालयबाट १५ किलोमिटरसम्मका लागि पेट्रोलियम पदार्थको नयाँ खुद्रा बिक्री मूल्य कायम गरिएको पनि निगमले जनाएको छ । निगमले विभिन्न जिल्लालाई तीन वर्गमा विभाजन गरी त्यसै अनुसार मूल्य निर्धारण गरेको छ ।
