काठमाडौं । नेपाल आयल निगमले पेट्रोल, डिजल र मटितेलको मूल्य घटाएको छ । इन्डियन आयल कर्पोरेसनबाट प्राप्त नयाँ खरिद मूल्य अनुसार पेट्रोल प्रतिलिटर एक रुपियाँ २६ पैसा र डिजल ८३ पैसाले घटाएको हो । निगम सञ्चालक समितिले आजबाट लागू हुने गरी पेट्रोल, डिजल र मटितेलको मूल्य घटाएको हो ।
निगमका अनुसार चारआली, विराटनगर, जनकपुर, अमलेखगन्ज, भलबारी, नेपालगन्ज, धनगढी र वीरगन्जका लागि पेट्रोलको मूल्य प्रतिलिटर १६३ रुपियाँ ५० पैसा, डिजल र मटितेल १४३ रुपियाँ ५० पैसा कायम भएको छ ।
साथै सुर्खेत र दाङका लागि पेट्रोल प्रतिलिटर १६५, डिजल र मटितेल प्रतिलिटर १५५ रुपियाँ कायम भएको छ । साथै काठमाडौँ, पोखरा र दिपायलका लागि पेट्रोल प्रतिलिटर १६६, डिजल र मटितेल १५६ रुपियाँ कायम भएको छ ।
