काठमाडौं । कीर्तिपुर स्थित दर्शन बचत तथा ऋण सहकारी संस्थालाई नियमित काम गर्न दिने वा समस्याग्रस्त घोषणा गराउने भन्ने विषयमा बचत पीडित संघर्ष समितिका दुई टोलीबीच चर्काचर्की भएको छ । बागमती प्रदेश संस्कृति पर्यटन तथा सहकारी मन्त्रालय अन्तरगत सहकारी महाशाखाको समन्वयमा बुधबार हेटौडामा भएको छलफलमा दुबै संघर्ष समितिका पदाधिकारीबीच चर्काचर्की भएको हो ।
कञ्चन महर्जन नेतृत्वको संघर्ष समितिका सदस्यहरु र गुनु तामाङ नेतृत्वको संघर्ष समितिका पदाधिकारीबीच प्रदेश महाशाखाको कार्यालयमा हातहालाहालको स्थिती आएको थियो । तामाङको नेतृत्वको संघर्ष समितिले १३ हजार बचतकर्ताहरुको रकमलाई जोखिममा पार्नेगरि कुनै निर्णय गर्न नपाइने भनेपछि महर्जन नेतृत्वको संघर्ष समितिले तत्काल समस्याग्रस्त घोषणागरि कानुनी कारबाहीमा जाने अडान लिएको थियो ।
प्रदेश महाशाखाको कार्यकक्षमा भएको छलफलमा दर्शन बचत तथा ऋण सहकारी संस्थाका तर्फबाट अध्यक्ष दिनेश दर्शनधारी, सचिव यशोदा राई, प्रबन्धक आयुषा दर्शनधारी र सिइओ सुर्वण महर्जनको उपस्थिती रहेको थियो । भने, कञ्चन महर्जन र गुनु तामाङको नेतृत्वको संघर्ष समितिबाट करिब ४५ जना बचतकर्ताको उपस्थिति रहेको थियो ।
छलफलमा महर्जन नेतृत्वको संघर्ष समितिका पदाधिकारीले अपशव्द प्रयोग गर्ने, धम्कीपुर्ण भाषा प्रयोग गर्ने जस्ता गतिविधी गरेपछि प्रदेश महाशाखाका प्रतिनिधिले त्यसो नगर्न आग्रह गरेका थिए । लामो समय चर्काचर्की भएपछि प्रदेश महाशाखाले दुई वटा निर्णयहरु गराएर बैठक सकाएको थियो । महाशाखाले तत्काललाई बचतफिर्ताकालागि स्वतन्त्र सम्पत्ति व्यवस्थापन समिति बनाउने वा संस्थालाई समस्याग्रस्त घोषणा गर्न विभागिय मन्त्रिलाई जानकारी गराउने निर्णय गरेको छ ।
छलफल बचतफिर्ताको ग्यारेन्टीकालागि डाकिए पनि एक आपसमा आरोप प्रत्यारोपमा केन्द्रीत भएको थियो । छलफलका क्रममा सहकारीका प्रवन्धक दर्शनधारीले पीडित संघर्ष समितिका संयोजक कञ्चन महर्जनबाटै आफुमाथि गालिगलोज गरेको, घरमा आगजनिको प्रयास गरेको र हातपात समेत गरेकाले कानुनी कारबाहीकालागि सम्बन्धीत निकायको ध्यानाकर्षण गराएकी थिइन । त्यस्तै, सिइओ महर्जनले बचतफिर्ताको दवाव दिदै जबरजस्ती अपहरण शैलीमा घरबाटै कञ्चन महर्जन नेतृत्वको संघर्ष समितिले १७ घण्टा बन्दी बनाई सोधपुछ गरेको विभागका प्रतिनिधिलाई जानकारी गराएका थिए ।
छलफलको सुरुमा नै सहकारी अध्यक्ष दर्शनधारीले बैठकमा उपस्थित पन्नारत्न बज्राचार्य कीर्तिपुर स्थित बाघ भैरब बचत तथा ऋण सहकारी संस्थामा करिब २० बर्ष अडिटर र सोहि सहकारीको हालको लेखा समिती सदस्यको जिम्मेवारीमा रहेकाले गैर सदस्यको अघि छलफल नगर्ने अडान राखेका थिए । उनले एक सहकारीको व्यक्ती अर्काे सहकारीमा हिसाब किताव माग्ने वा हेर्ने अधिकार नभएको भन्दै विरोध गरेका थिए । त्यस्तै, एमाले नेता तथा कञ्चन महर्जन नेतृत्वको संघर्ष समितिका सहयोगी केशरत्न बज्राचार्य समेतको उपस्थितिमा छलफल नगर्ने अडान दिएको एक सहभागिले बताए । केहि बेर तनावको स्थिती बनेपछि पुनः छलफल सुरुभएको थियो ।
छलफलमा पुरानो संघर्ष समितिबाट बचतकर्ता विश्व नेपालीले आफ्नो सावा व्याज गरेर ५० लाख भएको र जग्गा दिने आश्वासन दिएको तर अहिलेसम्म नपाएको गुनासो गरेका थिए । विश्व नेपालीको गुनासोमा अध्यक्ष दर्शनधारीले सो रकम मिटर ब्याजमा लगानी गरेको व्यक्तीबाट आफुहरुले उठाइदिएको र साहि रकमलाई संयुक्त लगानी गरेपनि आर्थिक तरलताका कारण फाईदा नहुने देखेपछि जबरजस्ती सहकारीमा जम्मा गर्न दवाव दिएको बताएका थिए । उनले सोहि रकम सहकारीमा अहिले एफडीमा रहेको र ठुलो रकम भएकाले ऋणबाट प्राप्त घर, जग्गा जुनसुकैबाट पनि मिलान गर्न आफुहरु तयार रहेको बताएका थिए ।
त्यस्तै, सहकारी अध्यक्ष दर्शनधारीले अहिले साना बचतकर्ताको रकम फिर्ता गरिरहेको र ६ महिना नियमित सहकारीलाई काम गर्न दिए ठुला बचतकर्ताको रकम फिर्तागर्न सहज हुने बताएका थिए । उनले प्रतिनिधिसभा अन्र्तगतको संसदीय विशेष समिति र सम्बन्धीत निकायमा बचतफिर्ताको कार्ययोजना पेस गरेकाले सोहि अनुरुप बचतफिर्तालाई प्राथमिकता दिइरहेको बताएका थिए । सचिव राईले सम्पत्ति व्यवस्थापनलाई तिप्रगतिमा अघि बढाएकाले ऋणबाट प्राप्त घर जग्गा बिक्रिबाट आउने सबै रकम बचतफिर्तामा लगाउने बताएकी थिइनन् ।
सोहि अवसरमा कञ्चन महर्जन नेतृत्वको संघर्ष समितिलाई सहयोग गर्दै आएका एमाले नेता केशरत्न बज्राचार्यले आफ्नो राजनीतिक करिअरमै धक्कालाग्ने गरि नबोलिदिन सहकारीका अध्यक्षलाई आग्रह गरेका थिए । उनले, बचतफिर्ताको वातावरण बनाउन सहकारी संस्थाको कीर्तिपुर ःस्थीत कार्यलयमा सकैले पनि अवरोध नगर्न निर्देशन दिएका थिए । बज्राचार्यले वर्तमान अबस्थालाई मध्यनजर गर्दे छिटो बचतफिर्ताको ग्यारेन्टी गर्न र कार्यलयलाई नियमित सञ्चालनको वातावरण बनाउनु पर्ने बताएका थिए । संघर्ष समितिका संयोजक कञ्चन महर्जनले कुनै पनि हालमा समस्याग्रस्त घोषणा गर्नुपर्ने एक सुत्र माग राखेका थिए जसको प्रतिकार अर्का संघर्ष समितिका संयोजक तामाङले गरेका थिए । संस्थालाई बचाई बचतफिर्ता गर्नुपर्र्ने माग बढेपछि विभागिय मन्त्रिको जिम्मा लगाइएको छलफलमा सहभागि एक सदस्यले बताए ।
